Поранешниот француски социјалистички претседател, Франсоа Оланд, во текот на вчерашниот ден ги повика Французите да гласаат за Емануел Макрон во вториот круг од претседателските избори, во име на „француската кохезија“ и нејзината „европска иднина“.
– Клучни се Франција и нејзината кохезија…и нејзината европска иднина, истакна поранешниот претседател на телевизијата ТФ1.
Како што појасни, тој смета дека екстремно десничарската кандидатка, Марин Ле Пен, би ги „довела во прашање нашите принципи и нашите вредности“.
Во другиот круг од претседателските избори, на 24 април, ќе се бира меѓу Ле Пен и Макрон. Засега, тој има слаба предност, покажаа спроведени анкети, јавија медиуми.
Извор: МИА