Со болки во стомакот синоќа на Инфективната клиника во Скопје бил примен премиерот Димитар Ковачевски. Директорката на Инфективна, Милена Севановиќ, за “А1он” вели дека премиерот преноќил на Клиниката.
“Премиерот беше примен со болки во стомакот од веројатно труење со храна. Му беше пружена целосна здравствена нега по што состојбата веднаш му се подобри. Вечерта е задржан заради опсервација, а денеска е испуштен во сосема добра здравствена состојба”, изјави директорката Стевановиќ за “А1он”.
Хоспитализацијата на премиерот го вознемирила членството на владејачката СДСМ. Сопартијците синоќа до доцна во ноќта си препраќале пораки за здравствената состојба на премиерот и не им било верно дека останува в болница поради болки во стомакот. Исплашени од можноста премиерот да е позитивен на Ковид -19, се преиспитувале кој колку време минал со него пред хоспитализацијата.