Вчера во 03.45 часот и во 12.50 часот во Гостивар и село Форино, гостиварско, полициски службеници од Секторот за внатрешни работи Тетово – Надворешна канцеларија за криминалистички работи Гостивар ги лишиле од слобода 39-годишниот Љ.С. од гостиварско Чегране и 35-годишниот И.С. од гостиварско Форино, информира МВР.
Тие се сомничат дека во текот на минатата и оваа година извршиле осум тешки кражби, односно со употреба на сила и разновиден алат влегувале во спортски обложувалници, маркети и продавници за мобилни телефони во Гостивар и одзеле пари и други предмети, соопшти МВР.
По целосно документирање на случајот против нив ќе биде поднесен соодветен поднесок по член 236 од Кривичниот законик.