Портпаролката на француската дипломатија се приклучи на западниот скептицизам за можниот напредок од страна на руската влада кон прекин на огнот и дипломатско решение на конфликтот во Украина, јави дописникот на МИА.
Франција ќе и суди Русија според „дејствата, а не по најавите“ во Украина, рече портпаролката на француската дипломатија, верувајќи дека Москва, исто така, може да се обиде да „заштеди време“ со „играње на играта на преговори“.
„Мораме да бидеме многу внимателни во оценувањето на напредокот на преговорите“, како и најавите за „радикално намалување“ на руската воена активност во Киев и Чернигов истакна Ан-Клер Лежандр на радиото Франс Инфо.
„Ние мора да судиме според постапките што Русија треба да ги стави на маса“, инсистираше портпаролката…Видовме неколку рунди во минатото кои не дадоа резултати“, потсети таа, осврнувајќи се на руско-украинските разговори кои се во тек од почетокот на руската офанзива во Украина на 24 февруари. „Видовме и на други полиња Русија ја игра играта на преговори за да заштеди време, за да одржува одредена конфузија во главите на јавното мислење“, подвлече таа, алудирајќи на Сирија.
„Русија не го употреби зборот повлекување… Гледаме дека војната продолжува да се води на целата украинска територија“, подвлече портпаролот на француското Министерство за надворешни работи.
„Она што го гледаме денес е дека руската офанзива всушност наиде на голем број пречки, на внатрешни логистички пречки, но и на украински отпор што не го очекуваше (..)“, истакна Ан-Клер Лежандр.
Извор: МИА