Пожарот во атарот на селото Чајлане утрово е ставен под контрола и е спреченмо негово ширење кон националниот парк „Јасен“, информира Центарот за управување со кризи.
Огнот избувна вчера попладне и беше локализиран, но околу 21 часот синоќа повторно се активира. Зафатени се сува трева и мешана шума, како и ниска вегетација во кругот на ловиштето Јасен.
Во гаснењето на пожарот учествуваа екипи на Бригата за противпожарна заштита на град Скопје, Шумското стопанство Караџица и Националниот парк Јасен.
Центарот за управување со кризи упатува апел до граѓаните да внимаваат при посети на отворени места или при работни активности во шумите и други локации кои се со обрасната или необрасната шума и да не користат запаливи материи, кои можат да предизвикаат пожар од пошироки размери.
Доколку забележат одредени сомнителни места во кои е присутен оган или чад, граѓаните веднаш треба да ги известат надлежните служби во најблиските институции и установи или да се јават на телефонскиот број 195, како број за итни повици на Центарот за управување со кризи.