Во текот на летните месеци лесно може да заборавите на соодветен внес на течности. Секое нарушување на рамнотежата на внесувањето на вода може да има сериозни последици по здравјето.
Како да ја препознаете дехидратацијата
Дехидратацијата е прекумерно губење телесни течности, а најчесто се јавува како последица на дијареа, повраќање, претерано потење или премал внес на течности. Еден од првите знаци на дехидрирање е чувство на жед кој е сигнал на телото веднаш да испиете чаша вода.
Многу благо губење течности може да се препознае по темната боја на урината. Тешка дехидратација предизвикува големо губење енергија, што се препознава преку симптоми како што се замор и поспаност, сува и леплива кожа, испукани усни и намалено потење.
И храната ја гаси жедта
Освен водата, природните сокови и незасладените чаеви, за хидрација се одлични и млекото и ферментираните млечни напитоци, овошјето и зеленчукот.
Труење со вода
Дехидратацијата не е единствена последица на неправилна хидрација, тукуможе да дојде и до труење со вода. Без оглед дали се работи за потење како последица на високите летни температури или напорниот тренинг, или дехидратација поради дијареа или повраќање, зголемениот внес на течности е препорачан, поради што многумина знаат да претераат со внесот на вода.