Светската здравствена организација (СЗО) соопшти дека сè уште не можат да достават медицински помагала и лекови во опколениот град Мариупол, но и во Миколаев.
Претставникот на СЗО, Тарик Јашаревиќ во Дњепар изјави дека до 21 март биле потврдени 64 напади врз здравствени објекти – болници, здравствени домови и амбулантни возила.
Здравствените работници не се чувствуваат безбедно кога ја вршат својата работа, пациентите се плашат да побараат третман, а засегнати се и програмите за имунизација, грижата за хроничните болести како што се дијабетесот и ракот, како и грижата за мајчинството, истакна Јашаревиќ.
Извор: МИА