Десетици Украинци чекаа ред за храна и други потреби во делот на Мариупол, кој е под руска контрола.
Иако бројните обиди да се создадат хуманитарни коридори и да се договори привремен прекини на огнот кој би овзможил цивилите да го напуштат Мариупол пропаднаа, дел од помошта и залихите пристигнаа вчера во делот на градот кој е под контрола на руските сили.
Повеќе од 100 луѓе трпеливо чекаа во редот за храна која се дели од камиони, објави Ројтерс.
Младата мајка на две деца, сведочи дека и дале леб и храна, додавајќи дека се чувствува среќна што стигнала до залихата на време.
„Не дознаваш секогаш… а потоа пристигнуваш предоцна“ – вели жената.
„Сега е тешко да се тргне со автобус. Се надеваме дека ќе се намали бројот на луѓе кои се обидуваат да излезат и дека ќе ни биде полесно да тргнеме“, додаде таа.