Словачкиот парламент одобри распоредување странски војници на НАТО во земјата, чиј број може да достигне 2.100.
„Прво, ќе биде распоредена единицата ‘Засилено прогресивно присуство’ на НАТО, со околу 1.200 луѓе кои доаѓаат од Чешка, Германија, Холандија, САД, Полска и Словенија“, изјави министерот за одбрана Јарослав Наѓ.
Тој рече дека дополнително ќе биде распореден и системот за противвоздушна одбрана „Патриот“.
„Бидејќи очекуваме директни воени напади од Русија на аеродромот Ужхород (во Украина), во близина на границата со Словачка, во блиска иднина, тоа секако има воени последици“, рече Наѓ.
Предлогот за распоредување, кој беше прифатен од владата на десниот центар на 9 март, беше одобрен од 96 од 134 присутни пратеници, а 15 беа против. Гласањето се случува само два дена пред првата посета на американскиот министер за одбрана на Словачка откако поранешниот советски блок влезе во НАТО во 2004 година.
Словачка прими повеќе од 200.000 бегалци од Украина од почетокот на руската инвазија на 24 февруари.
Извор: МИА