Остануваме конструктивни како партија околу настојувањата да се постигне компромис за спорот за името и за тоа сметаме дека треба да се развие политичка дебата во земјата, но ние не им даваме поддршка на политиките на Никола Груевски. СДСМ е подготвен на компромис, но до тоа треба да се дојде со дебата за прашањето за името, изјави лидерот на СДСМ, Зоран Заев по средбата со Али Ахмети во Мала Речица.
„Македонија нема план Б, националистичките реторики само не раздалечуваат“, рече Заев.
Али Ахмети посочи дека на 100 годишнината од Балканските војни мора да дојде до помирување и интегрирање во евро-атланските структури.
„Maкедонија не смее да остане изолирана, значајни се меѓуетничките и добрите меѓусоседски односи за да биде Макеоднија дел од ЕУ и НАТО, а ова ќе значи и влез на странски инвестиции“, изјави лидерот на ДУИ, Али Ахмети. Една од темите на средбата биле и настаните од 24.декември. Заев го повтори ставот дека Комисијата не може без претседател да работи, но со помош на меѓународната заедница, се надева, дека ќе се најде решение.
