Генералниот секретар на НАТО, Јенс Столтенберг изјави дека воспоставувањето хуманитарни коридори во Украина за евакуации и помош е „мал минимум“ што треба да се направи сега, објави Гардијан пренесувајќи делови од негово интервју за Ројтерс, дадено на маргините на форумот во Турција.
– Минимум е да се воспостават хуманитарни коридори, преку кои ќе можат да излезат и преку кои ќе може да се доставува хуманитарна помош, истакна Столтенберг.
Тој ја оквалификува нуклеарната реторика на рускиот претседател Владимир Путин како „опасна и непромислена“ и повтори дека НАТО нема да испрати војници или авиони во Украина.
Зоната на забранети летови над Украина најверојатно … ќе ја ескалира војната во целосна војна помеѓу НАТО и Русија, посочи Столтенберг.
Извор: МИА