Претседателот на Србија Александар Вучиќ денеска го прими амбасадорот на Украина во Белград, Олександар Александрович, кому му го пренел српскиот став за воениот конфликт во Украина и подготвеноста да пружи хуманитарна помош и прифаќање на бегалците, јави дописникот на МИА од Белград.
-Претседателот Вучиќ го информираше амбасадорот Александровиќ за позициите на Владата на Република Србија и Советот за национална безбедност. Претседателот Вучиќ кажа дека Србија е решена да ги почитува нормите на меѓународното јавно право, што значи почитување и на територијалниот интегритет на Украина и на другите меѓународно признати држави, се наведува во соопштението од службата за медиуми на српскиот претседател.
„Вучиќ ја изрази подготвеноста на Србија за пружање секаков вид хуманитарна помош за загрозеното население на Украина. Тој, исто така, изрази подготвеност за прифаќање цивилни бегалци, на кои им понуди најдобри можни услови и хотелско сместување, како и сите права на дозволите за престој и работа, во согласност со правилата на земјите од Европската Унија, дури и на повисоко ниво, за што амбасадорот Александрович се заблагодари“, се наведува во соопштението.
Извор: МИА