САД ќе го зголемат персоналот во својата Амбасада во Хавана и ќе почнат ограничено издавање на визи, по долгогодишно работење со намален број персонал, изјави денеска највисокиот дипломат на Американската амбасада на Куба, Тимоти Зуњига-Браун.
Администрацијата на поранешниот претседател Доналд Трамп го намали персоналот во Амбасадата во Хавана во 2017 година по необјаснети здравствени инциденти на персоналот и нивните семејства. Здравствените проблеми се познати како Хавана синдром.
Визите се издаваа во Гвајана, но за поголем број Кубанци трошоците за патување во друга земја за визи се превисоки.
Извор: МИА