МНР испраќа дипломатска екипа во Украина за да ги евакуира нашите државјани

Од:

Соодветно на состојбите на терен, Министерството за надворешни работи испраќа дипломатска екипа во Украина, и тоа во состав на актуелниот амбасадор во земјата Крум Ефремов, заедно со уште еден искусен конзуларен работник, кои ќе ги водат процесот на терен при асистирањето на евакуацијата на нашите државјани и со нив поврзаните украински граѓани, информираат од Министерството.

„Воедно информираме дека досега околу 50 наши државјани ја имаат напуштено Украина, додека 50 се сѐ уште на Украинска територија како и нивни членови на семејство украински државјани. Од нив, 25 ги имаат напуштено резидентните места, и во моментов се упатени низ утврдени безбедносни коридори; нивното движење постојано го следиме сѐ до нивното напуштање на земјата, а потoа, нашите амбасади и конзулати од соседните земји ги преземаат сите активности за нивен безбеден трансфер назад кон земјава.

Информираме дека секое движење низ Украина е сериозно отежнато, се одвива по споредни рути кои се преполни, и оттука движењето е бавно“, велат од МНР.

Од Министерството за надворешни работи велат дека продолжуваат одблиску да ја следат состојбата и за секоја нова промена соодветно ќе ја информираат јавноста.

Би можело да ве интересира

Украина: Русија нема планови за намалување на воените операции

Залужни: Украина не може да ги врати своите стари граници

Горан Наумовски

Лавров: Русија ќе му достави на Киев нацрт-договор за прекин на огнот по размената на затвореници

Двајца загинати, седум повредени во руски балистички ракетен напад врз Одеса

Украина: Путин ја продолжува офанзивата, Русија планира да регрутира 343.000 луѓе

Лавров: Трамп јасно стави до знаење дека војната во Украина не е негова војна