Грција можеби наскоро ќе биде принудена да побара дополнителна финансиска помош од Европската унија од 11 милијарди евра, пишува денеска весникот „Фајненшл тајмс“.
– Потребно е да се разгледа и можноста за големи отпишувања на кредитите, доставени од ЕУ до Атина, со цел да се намали задолжувањето на Грција до разумни граници, нагласува весникот, цитирајќи експерти од Меѓународниот монетарен фонд.
Весникот додава дека на седницата на раководството на ММФ оваа недела претставникот на Бразил бил воздржан при гласањето за следната транша од 1,8 милијарди евра од меѓународната помош за Грција.
Освен тоа Бразил, кој во моментов претставува 11 латиноамерикански држави во раководнтие органи на ММФ, ги критикуваше оценките за способноста на Грција да се справи со својот надворешен долг, додава „Фајненшл тајмс“.