Долниот дом на американскиот Конгрес синоќа го усвои предлогот за засилување на економските санкции кон Иран.
При гласањето во Претставничкиот дом, „за“ усвојување на предложениот законски текст се изјаснија 400 конгресмени, а само 20 беа „против“.
Со новите санкции, чија цел е дополнително ограничување на продажбата на иранска нафта, црниот списокот на компании на Иран со кои се забранува соработка се проширува со неколку рударски и граджни претпријатија.
По предлогот за засилување на санкциите кон Иран сега треба да се изјасни и Сенатот, по што доколку биде усвоен, него ќе треба да го одобри и американскиот претседател Барак Обама.
Од јуни 2010 година, па досега, Конгресот на САД во четири наврати ги засилуваше санкциите кон Иран, со цел да се принудат властите во Техеран да прифати инспекција на иранските нуклеарни капацитети и да се откажат од напорите за производство на атомска бомба.