Двајца мажи вооружени со огнено оружје претпладнево ограбија луксузен дуќан за часовници во Кан, во југосточна Франција.
Засега не е позната вредноста на украдените скапи часовници. Продавницата „Хронометар“, сместена точно спроти киното во кое се одржува филмскиот фестивал во Кан, беше ограбена и во февруари. Тогаш беа украдени 150 часовници во вкупна вредност од милион евра.
Разбојниците утринава го ограбиле дуќанот за помалку од 10 минути во време на кусиот одмор за појадок на вработените, преминувајќи низ соседна зграда и разбивајќи прозорец што гледал кон задниот двор.
Во неделата во хотелот „Карлтон“ маскиран маж, вооружен со автоматски пиштол го изврши еден од најголемите грабежи во историјата, откако од таму си замина со накит со рекордна вредност од 136 милиони долари.