Голем шумски пожар рано изутринава избувна во близината на Сплит, на подрачјето на Дуч, и поради силниот ветер се повеќе се шири и приближува кон куќите во Дуги Рат, соопшти командирот на локалното противпожарно друштво, Дражен Главина.
– За сега немаме помош од воздух бидејќи дува ветер, па мораме сами да се снаоѓаме на теренот. Во моментов овде има многу пожарникари и се обидуваме што побрзо да го совладаме огнот, изјави Главина за Хина.
Освен овој пожар, на поширокото подрачје на Сплит активни се уште два пожара. Првиот е во Челина во близина на Омиш, кој се појави во текот на ноќта, а вториот во Љубитовци кај Трогир, каде пожарникарите се борат со огнот од раните утрински часови.
Во сите три пожари гори борова шума и нискостеблеста вегетација.