Турскиот суд денеска соопшти дека претприемачот Осман Кавала мора да остане во затвор, продолжувајќи му го притворот на повеќе од четири години без пресуда, во судскиот процес што ги поттикна тензиите во односите на Анкара со западните сојузници.
Судот утврди следното рочиште да се одржи на 21 март, јави Радио Слободна Европа.
Осман Кавала четири години е во затвор во Турција без осуда и покрај тоа што Европскиот суд за човекови права побара негово ослободување.
Кавала, кој беше уапсен на 18 октомври 2017 година под обвинение за протести низ целата земја во 2013 година, како и за обид за државен удар во 2016 година, ги отфрла сите обвиненија.
Извор: МИА