Полициски службеници на СВР Тетово-Одделение за внатрешни работи Гостивар вчера околу 15 часот и 45 минути, на улица „Гоце Делчев“ го лишиле од слобода 35-годишниот А.С. од Гостивар, поради сомнение дека околу 11 часот и 55 минути извршил разбојништво во маркет на улица „Драге Тодоровски“ во Гостивар и со употреба на сила врз вработената во маркетот, од касата одзел пари и избегал, информира МВР.
Тој е задржан во Полициската станица Гостивар и по документирање на случајот, ќе му биде изготвен соодветен поднесок.