Врз основа на судска наредба, полициски службеници вчера извршиле претрес во домот на 35-годишниот И.Т. во село Вардино, општина Демир Хисар, информира МВР.
При претресот била пронајдена и одземена ловечка пушка „црвена застава“ калибар 16 мм, која ја поседувал без дозвола, соопшти Министерството за внатрешни работи.
По целосно документирање на случајот против него ќе биде поднесена соодветна пријава по член 396 од Кривичниот законик.