Вчера во 00.15 часот на улицата „Втора Македонска бригада“, полициски службеници од Единицата за интервентна полиција при СВР Скопје го лишиле од слобода 38-годишниот Ш.А. од Скопје. Тој бил баран со потерница поради сомнение за сторени четири кривични дела „тешка кражба“, од кои за две веќе му биле поднесени кривични пријави, информира МВР.
– Во службен разговор со полициски службеници тој ги признал делата за кои му биле поднесени кривични пријави. Исто така, Ш.А. признал кражба во деловен објект на 10/11.03.2020, а документирана е и кражба на 16.02.2022 во фирма на ул.„Босна и Херцеговина“ во Скопје, за што исто така ќе бидат поднесени соодветни пријави, соопшти МВР.