Синоќа, околу 21,45 часот, на магистралниот пат Куманово-Крива Паланка на местото викано „Љубински Ливади“ во општина Ранковце се случила сообраќајна незгода во која М.Ј.(22) од село Гиновци со моторно возило „ауди А4“ удрил во пешакот Деспина А.(18) од село Љубинци, по што го напуштил местото на настанот.
Во незгодата, соопшти МВР, на место починала Деспина, а по кратко време од страна на полициски службеници М.Ј. е пронајден. Извршено му е алкотестирање и утврдено е присуство на алкохол во крвта од 1,04 промили.