Европските земји треба да го намалат јавниот долг како дел од БДП, изјавија германскиот и австрискиот министер за финансии, сигнализирајќи несогласувања со земјите од ЕУ кои предлагаат подолг период на пофлексибилна европска рамка за фискална политика.
– Нашето цврсто фундаментално верување е дека јавниот долг како дел од БДП во Европа треба повторно да оди надолу, рече германскиот министер за финансии Кристијан Линднер по средбата со австрискиот колега Магнус Брунер.
– Долгот мора да се намали за да се обезбеди и фискална стабилност и да се зачува просторот за маневрирање за мерките на централните банки, додаде Линднер.
Тој ја истакна и важноста од инвестирање во конкурентноста на европските економии и чистата технологија.
Иако ова се однесува на приватниот сектор, „одговорноста е и кај државите“, нагласи германскиот министер за финансии.
Неговиот австриски колега, Магнус Брунер, изрази поддршка за поедноставување и поефикасна имплементација на европските регулативи за долгот, но рече дека Пактот за стабилност и раст веќе обезбедува доволно флексибилност.
Група земји од ЕУ, вклучително и Франција и Шпанија, поттикнаа дебата во Брисел за потенцијална промена на регулативата за долгот, со која се постави плафон на јавниот долг на 60 отсто од БДП.
Извор: МИА