Британскиот министер за Северна Ирска Брендон Луис ги коментираше утринава изјавите на неговиот колега министер за одбрана Бен Валас, кој рече дека „во некои западни земји мирисот на Минхен се чувствува во воздухот“.
Валас алудираше на договорот од 1938 година со кој на нацистичкиот диктатор Адолф Хитлер му беше дозволено да ја анектира Австрија, но сепак со тоа не беше спречена војната.
„Валас направи споредба со дипломатските напори пред Втората светска војна и дипломатските напори што сите ги вложуваме во овие моменти“, рече Луис. „Во пресрет на Втората светска војна се работеше многу на дипломатијата. Многумина мислеа дека се постигнува напредок, но испадна сосема поинаку.
„Луис истакна дека сите мора да бидат свесни дека Русија „има можност да преземе акција многу, многу брзо“.