Претседателите на Русија и на САД, Владимир Путин и Џо Бајден разговараа поладнево околу еден час за украинската криза. За разговрот на Твитер се огласи Белата куќа.
„Претседателот Бајден денеска разговараше со претседателот на Русија Владимир Путин и му посочи дека руската инвазија на Украина би имала „брзи и тешки последици“. Бајден го повика Путин да ја деескалира ситуацијата и оди по диполматски пат“ – објави Белата куќа.
President Biden spoke with President Vladimir Putin today to make clear that if Russia further invades Ukraine, the U.S. and our allies will impose swift and severe costs on Russia. President Biden urged President Putin to engage in de-escalation and diplomacy instead. pic.twitter.com/HqK0b65kFm
— The White House (@WhiteHouse) February 12, 2022
Бајден му посочил на Путин дека руската инвазија на Украина „ би предизвикала големи страдања“ и „би го потпила угледот на Русија во светот“.
„Претседателот на САД на Путин јасно му стави до знаење дека америка е посветена на дипломатско решение на кризата, но во коордианција со сојузниците и партнерите подеднакво е подготвена и на други сценарија“ се вели во соопштението.
Нема промена во фундаменталната динамика која се одвива во последниве неколку седмици изјави за Си-ен-ен висок претставник на админситрацијата на Бајден во врска со разговрот на двајцата претседатели.
На прашањето дали Русија веќе донела одлука за инвазија, функционерот вели дека немаат сознација за одлуките на Путин.
„Не се базираме на она што Русите го кажуваат јавно, туку ја следиме ситуацијата на терен, а таа покажува трупање војска на границата со Украина. Нема никакви докази за деескалација, нема ниту сигнали дека постои интерес за деескалација“ – вели изворот на Си-ен-ен.