Црн викенд на плажите на Херолт, во јужна Франција, каде седум лица се удавија во водите на Средоземното Море, јавува дописникот на МИА од Париз.
Причината за големиот број на настрадани се должи пред се на непочитувањето на предупредувањето за забрана за капење поради високите бранови и разбеснетото море.
Спасувачките екипи според весникот „Миди Либр“ спасиле триесетина други лица од сигурно давење во водите на морето.