Денеска во 09.30 часот на улица „23-ти Октомври” во Скопје, полициски службеници од Оперативен тим потраги при СВР Скопје ја лишиле од слобода 20-годишната Џ.И. од Република Србија, а со живеалиште во село Јурумлери, скопско, информира МВР.
Таа била барана по централна потерница од Основен суд Скопје 1 Скопје за издржување казна затвор од две години за сторено кривично дело „тешка кражба“ по член 236 од Кривичниот законик, соопшти МВР.
Лицето ќе биде спроведено во казнено-поправна установа за издржување на казната.