Полициски службеници од Одделението за внатрешни работи Кичево вчера го привеле 19-годишниот М.Ѓ. од Кичево, кај кого биле пронајдени и одземени се 12 опаковки со марихуана, информира МВР.
Дополнително, при извршен претрес во неговиот дом, по претходно добиена судска наредба, биле пронајдени и одземени уште 19 пакувања со марихуана и пари, соопшти Министерството за внатрешни работи.
По документирање на случајот против него ќе биде поднесена соодветна пријава.