Францускиот Парламент донесе одлука на уредбата од 1881 година да се стави амандман во корист на слободата на говорот, при што во таа земја вреѓањето на претседателот на државата веќе не е кривично дело, јави денеска Анадолија.
Пред оваа одлука вреѓањето на претседателот беше кривично дело поради „навреда на шефот на државата“. Со најновата одлука, Претседателот на Франција се вбројува во истата категорија како министрите и пратениците, а судијата има надлежност да ја донесе конечната одлука дали претседателот бил наклеветен или навреден.
Новата промена доаѓа откако Европскиот суд за човекови права во март оваа година одлучи дека Франција го прекршила правото на слобода на изразување на еден демонстрант кој беше парично казнет бидејќи носел транспарент со натпис „Изгуби се кретену“, а тој се однесуваше на поранешниот претседател Никола Саркози.
Францускиот суд тогаш донесе пресуда демонстрантот да плати казна од 30 евра бидејќи го навредил претседателот.
Сепак, иако вреѓањето на Претседателот веќе не е кривично дело, секое лице за кое на судот ќе се утврди дека го навредило шефот на држвата во опасност е да плати парична казна, која може да достигне сума до 45 илјади евра.