Некогашниот специјален јавен обвинител, Гаврил Бубевски, стана шеф на скопското јавно обвинителство, додека неговиот колега од СЈО, Стевчо Донев е избран за јавен обвинител во Вишото јавно обвинителство во Штип. Ова се последните одлуки донесени од Советот на јавни обвинители.
Новиот шеф во скопското обвинителство, Бубевски, застапуваше неколку предмети на СЈО пред судот против високи поранешни функционери. Меѓу нив се „Насилство во Општина Центар“, „Монструм“, „Титаник 3“. Обвинителот Стевчо Донев е познат по тоа што го води случајот „Тендери“, во кој е обвинета ексминистерката за култура, Елизабета Канческа Милевска.
На денешната седница, избрани се и јавни обвинители во Јавното обвинителство на Република Македонија, а таму ќе бидат Соња Симовска и Љупчо Коцевски. Во тетовското јавно обвинителство, јавен обвинител ќе биде и Бесар Алиу.