На повеќе локации во Скопје, Министерството за здравство во соработка со Здравствен дом-Скопје, постави бесплатни превентивни пунктови чија цел е да се доставуваат информации до граѓаните како да се заштитат од високите температури.
„Досегашното искуство од оваа акција покажа исклучително позитивни резултати. Минатата година во текот на летниот период само во Скопје помош побарале околу 10 илјади граѓани. Дел од нив биле препратени на матичен лекар, а двајца како итни случаи се пренесени во Градската општина болница „8 Септември“ – истакна денеска на прес-конференција министерот за здравство Никола Тодоров.