Полицајци уапсија 61-годишен маж од Струмица откако во возилото кое го управувал биле пронајдени и одземени околу 100 килограми сечкан тутун, спакуван во ќеси и кутии на кои имало називи и логоа од познати брендови на тутун, но без акцизни маркички и декларции, информира МВР.
– На 11.01.2022 во 03.30 часот на магистралниот пат Свети Николе – Штип, кај населбата Три Чешми, полициски службеници од СВР Штип го лишиле од слобода Ж.А.(61) од Струмица, бидејќи при контрола на товарно возило „фиат“, со скопски регистарски ознаки, кое го управувал, биле пронајдени и одземени околу 100 килограми сечкан тутун, спакуван во ќеси и кутии на кои имало називи и логоа од познати брендови на тутун, но без акцизни маркички и декларции, соопшти МВР.
За случајот се запознати Јавен обвинител и Царинската управа на Република Северна Македонија, а по негово комплетирање ќе следи соодветен поднесок.