Грчката полиција откри и заплени повеќе од половина тон кокаин. Дрогата била скриена во товар со банани од Јужна Америка.
Полицијата се уште истражува кој требало да го преземе кокаинот во Грција и дали бил наменет за други земји во Европската унија.
Кокаинот бил откриен откако трговоец од островот Родос во товарот со банани открил околу 280 килограми кокаин и ја известил полицијата. По истрагата во магацините на фирмата, која ги увезла бананите од Јужна Америка, откриени се уште 240 килограми кокаин.
Истрагата покажала дека дрогата била натоварена во Колумбија, потоа ја поминала италијанската царина од каде со камиони тргнала за Грција.
Грчката полиција испитува дали кокаинот бил наменет за Италија, но по некоја случајност пристигнал во Грција.