Првиот случај на „флурона“, односно истовремена инфекција на коронавирус и грип е забележан во Израел. Според израелските медиуми, првиот случај на „флурона“ е забележан кај жена во израелскиот град Петах Тиква.
Од гинеколошкиот оддел во градската болница каде што се породила жената за израелските медиуми велат дека жената била позитивна на коронавирус и грип веднаш штом била примена. За да бидат сигурни, го повториле тестот уште еднаш.
Жената не била вакцинирана против коронавирус ниту за грип, но немала особено силни симптоми.
Ова е прв документиран случај на коронавирус и грип во исто време, но здравствените експерти веруваат дека имало и други кои не се документирани.
Израелското Министерство за здравство го истражува случајот и се обидува да утврди дали може да предизвика посериозно заболување, објавија израелските медиуми.