Вкупно 197 мерки, меѓу кои 49 за возење под дејство на алкохол, 20 за возење без возачка дозвола и 37 за возење повеќе од дозволената брзина, изрече Министерството за внатрешни работи во текот на вчерашната засилена акциска контроли во областа на сообраќајот на територијата на Град Скопје.
Како што информира МВР, изречени се и осум мерки за користење мобилен телефон, седум санкции за некористење сигурносен појас и девет мерки за минување на црвено светло на семафор.
Од МВР најавуваат дека и во следните денови ќе продолжат засилените акциски контроли и апелираат граѓаните да ги почитуваат сообраќајните правила и прописи со цел да се зголеми безбедноста во сообраќајот и да се придонесе за посигурни патишта.