Турската полиција употреби солзавец и водени топови против курдските демонстранти во Дијабекир, Југоисточна Турција.
Група демонстранти, меѓу кои и пратеници на Партијата за мир и демократија се упатија на местото определено за митинзи и покрај тоа што не добија дозвола за организирање на протести. Кога полицијата се обидела да ги спречи демонстрантите тие почнале да фрлаат со камења.
Во инцидентот еден полицаец е повреден, а повеќемина демонстранти се приведени.
Демонстрантите во Дијабекир бараат ослободување од затвор на лидерот на терористичката Курдска работничка партија (ПКК) Абдулах Оџелан.