Полицијата денеска при претрес во с.Горно Јаболчиште ги приведе М.У.(60) и И.У.(34), двајцата од истото село. Во нивната куќа и помошни простории биле пронајдени една автоматска пушка калибар 7,62 мм со две рамки и 50 куршуми, една ловна пушка калибар 16 мм, еден пиштол 7,62 мм со една рамка и 22 куршуми и еден пиштол 7,65 мм со една рамка.
Двајцата се приведени во полициска станица и по документирање на случајот против нив ќе биде поднесен соодветен поднесок, соопшти МВР.