Пред гевгелиската публика на сцената во Народниот театар, вечер ќе се претстави аматерската театарска група од Демир Капија со изведба на комедијата „Ноќите во бел сатен“.
Претставата е работена по текст на нашиот писател Братислав Димитров и се занимава со осаменоста, како еден од современите проблеми на денешницата.
Актерите најавија дека публиката може да очекува интересна претстава која ќе ги насмее, но и ќе ги допре во срцето, душата и во нивните проблеми.
-Станавме робови на техниката, забораваме на нашите чувства и имаме недостиг од љубов, порачуваат актерите од Демир Капија и велат дека главна тема во претставата е традиционализмот или пак мачовизмот на Балканот, како прв текст во регионот што ја драматизира оваа тема.