САД денеска ги поздравија иницијативите на Турција и Ерменија за почеток на разговори за чекори за нормализирање на односите, јави Анадолија.
„Ги поздравуваме и силно ги поддржуваме изјавите на турскиот министер за надворешни работи Мевлут Чавушоглу и на ерменското Министерство за надворешни работи за назначувањето на специјални пратеници кои ќе разговараат за процесот на нормализација“, напиша на Твитер американскиот државен секретар Ентони Блинкен.
Турскиот министер за надворешни работи Мевлут Чавушоглу во понеделникот рече дека Анкара и Ереван наскоро ќе назначат специјални претставници за да разговараат за чекорите за нормализирање на односите.
Подоцна, Вахан Хунанјан, портпарол на ерменското Министерство за надворешни работи, ја поздрави најавата на турскиот министер за надворешни работи.