Голем пожар беснее од вчера на грчкиот остров Самос во источниот дел на Егејското Море.
Огнот е надвор од контрола, а властите ги преместиле на безбедно место иконите од манастирот, што се наоѓа во непосредна близина на пожарот, јави БТА.
На островот се испратени авиони за борба против огнената стихија, противпожарни возила и доброволци, кои вложуваат напори да го локализираат огнот во близина на манастирот.
Во меѓувреме, друг пожар беснее од вчера и во западниот дел на областа Ахаја на полуостровот Пелопонез, каде што два авиони, десетици пожарникари и војници се обидуваат да го изгаснат.