Повеќе од 4.000 полицајци на должност се распоредени низ улиците на Атина, поради посетата на германскиот министер за финансии Волфганг Шојбле.
Владата ги забрани демонстрациите во главниот град, бидејќи парламентот синоќа ги усвои новите мерки за штедење.
Шојбле би требало да се сретне со грчкиот премиер, Антонис Самарас и други официјални лица.
Парламентот вчера ги одобри новите мерки за штедење со кои се овозможува масовно отпуштање и трансфер на вработените во јавните сектори, што предизвика нови протести.
Двата најголеми синдикати не планираат да протестираат денес, но се очекува вработените во јавните сектори попладне да излезат на улиците.
Елена Георгиевска