МЖ Транспорт од денеска воведува сезонски воз на релација Скопје – Солун – Скопје. Сезонскиот воз ќе сообраќа за време на викендите се до 30 септември.
Сезонскиот воз се воведува како резултат на договорот постигнат меѓу МЖ Транспорт и Грчките железници.
Возот ќе тргнува од Скопје секоја сабота во 05:05 наутро и преку Велес, Неготино и Гевгелија ќе стигнува во Солун во 10:24 часот по грчко време. Од Солун возот ќе тргнува секоја недела во 20:11 часот по грчко време и во Скопје ќе пристигнува во 23:11 часот.
Цената на возниот билет на релација Скопје – Солун, односно Солун – Скопје за втора класа ќе изнесува 12,20 евра, а повратниот Скопје – Солун – Скопје и обратно 20 евра.