Единицата за брза интервенција при СВР Скопје синоќа привела скопјанец кој се сомничи дека извршил кражба во станбен објект на улицата „Лондонска“.
Министерството за внатрешни работи соопшти дека вчера околу 19 часот е приведен 47-годишниот Г.Љ. под сомнение дека на 18 октомври одзел повеќе предмети од станбен објект на ул.„Лондонска“.
Тој признал уште седум кражби кои ги сторил во периодот од мај до октомври годинава во станбен објект на бул.„8-ми Септември“ во Скопје од каде одземал повеќе предмети кои подоцна ги продавал.
По целосно документирање на случајот против него ќе биде поднесена соодветна пријава.