Во Дом на млади во Штип вечер премиерно ќе биде изведена театарската претстатва „Колку убав погреб“, работена според истоимениот драмски текст на Марјан Анѓеловски, а во режија на Александар Јовановски и Марјан Анѓеловски.
„Колку убав погреб“ е драма која зборува за животот на бездомникот Ангел, кој живее од смртта на другите, хранејќи се од погреб на погреб. На еден погреб, тој ќе ја запознае девојката Марија и нивните животи ќе се променат засекогаш … Апсурдна приказна за една искрена љубов во едно труло општество, полно со омраза и предрасуди.
Автор е Марјан Анѓеловски додека режијата е на Марјан Анѓеловски и Александар Јовановски. Во претставата играат Јасмин Рамани, Ивана Стамевска, Ристе Мицевски, Елена Ѓорѓевска, Огнен Велевски, Петра Ивановска, Сара Николовска и Марјан Анѓеловски.
Претставата е поддржана од Министерството за култура на Република Северна Македонија, како проект од национален интерес од областа на драмската дејност за 2021 година.