Брусницата е одлична за здравјето на мочниот меур, а екстракт од овој плод може да се користи за отстранување на бактериите од медицинската опрема, покажуваат резултатите од најново истражување.
Пиењето сок од брусница, според истражувањето, навистина може да излекува инфекција на мочниот меур. Повеќе од илјада пациенти имаат проблеми со катетрот, тенка цевка која во телото внесува течност или изнесува урина. Меѓутоа, на тој начин бактериите од кожата многу лесно влегуваат во телото и можат да го заразат ткивото или крвта.
Со новото истражување сега е откриено дека хемикалиите во брусницата го менуваат однесувањето на бактериите.
Конзумирањето на ова овошје повеќе од 100 години се поврзува со превенцијата на инфекциите на мочниот канал, иако некои научници во минатото тврделе дека ова верување не се заснова врз факти.