Пратеник од БЕСА не се појави на седницата за недоверба, колегите од партија не кажуваат каде е и зошто не одговара на повиците

Од:

Кастриот Реџепи од БЕСА не се појави на закажаната седница за недоверба на Владата од 11 часот. Според неофицијални информации, тој не е ниту достапен на неговите телефони, со што ниту неговите колеги не можат да го искомуницираат. „А1он“ се обиде да ја потврди информацијата преку пратеникот Фадил Зендели исто така пратеник од БЕСА, но тој по прашањето рече: „Попосле ќе се слушнеме“ и не одговори на истото.

На повиците не одговара ниту Билал Касами, претседател на БЕСА и поранешен пратеник. Според неофицијални информации, ниту семејството на пратеникот Реџепи кој го нема во Собранието на седницата, а се потпиша на иницијативата, не знае каде е тој.

Талат Џафери ја напушти седницата во Собранието за да не биде 61 пратеник кој ќе направи кворум на седницата. Ова доаѓа откако заврши пребројувањето на пратениците во салата. Џафери кажа дека продолжението ќе го води потпретседателот на Собранието, бидејќи тој не е поддржувач на иницијативата за недоверба на Владата.

„Не сум поддржувач на иницијативата и нема да бидам 61 тука“, рече Џафери и ја напушти седницата.

Седницата продолжи со потпретседателот на Собранието. Потоа, Дафина Стојановска, заменик координатор на пратеничката група на ВМРО-ДПМНЕ, побара и доби еден час пауза.

Би можело да ве интересира

Собранието го донесе вториот ребаланс на Буџетот за 2026 година

Милошоски: Измени на Кривичниот законик за намалување на ризиците поврзани со членството во СЕПА

(ВИДЕО) Опозицијата го критикува вториот ребаланс на Буџетот: Висок дефицит и намалени капитални инвестиции

Законот за јавни набавки повторно во Собранието, поднесени 2.158 амандмани

Катерина Ѓуровски

За измените на Законот за јавни набавки поднесени 2.158 амандмани, ВМРО-ДПМНЕ бара бришење на членот оспорен од претседателката Сиљановска Давкова

Собранието ја отфрли интерпелацијата за министерката Божиновска