На социјалните мрежи се објавени десетици видеа од мигранти кои се обидуваат да влезат во Полска.
На видеата се гледаат групи од стотина луѓе, топло облечени и со ранци како шетаат по патот, пренесува француски „Монд“.
Kolejne próby forsowania granicy przez migrantów w rejonie Kuźnicy. pic.twitter.com/0Qv2K1RVcz
— Ministerstwo Obrony Narodowej ?? (@MON_GOV_PL) November 8, 2021
Според геолокацијата извршена од службата за проверка на информации на агенцијата Франс прес, едно од видеата е снимено во Бриж, Белорусија, на 1,2 километри од границата со Полска.
Во видеото објавено на Твитер од полското Министерство за одбрана се известува дека стотици мигранти се натрупале долж границата во близина на граничните премини Кузница-Брузги.
На друго видео објавено од полското МВР се гледа уништениот дел од граничната ограда што ја постави Полска, со стотици мигранти на едната и војници, полски граничари и опремена полиција од друга страна.
„Полските служби ги спречија мигрантите да упаднат на полската страна јужно од граничниот премин Кузница. Ситуацијата беше под контрола“, објави Министерството на Твитер.