Палестинскиот премиер Мохамед Шајех денеска е во посета на Брисел каде ќе се сретне со високиот претставник за надворешна политика на ЕУ, Жосеп Борел.
Информацијата ја потврди портпаролот Петер Стано на редовниот брифинг за новинари во Европската комисија.
Стано најави дека главна тема на разговори меѓу Шајех и Борел ќе биде соработката помеѓу ЕУ и Палестина и потребата да се рестартираат директните преговори помеѓу Израел и Палестина.
Шајех треба да се сретне и со претседателот на Европскиот совет, Шарл Мишел.
Вчера Европската унија реагираше со осуда на новите најави за изградба на нелегални населби во источен Ерусалим од страна на израелските власти и побара да се поништи тендерот за овие станбени единици кои се спротивни на меѓународното право.