По дадениот исказ на осомничениот за убиството на семејството Ѓокиќ, Горан Џониќ, уапсени се четворица мажи од Ниш, кои тој ги посочи како соизвршители.
Како што пренесуваат тамошните медиуми, двајца од приведените браќа се Константин и Костадин Милошевиќ од селото Моравац, а третиот е Марко Момчиловиќ од Житковац, поранешен припадник на српското МВР, од Белград, кој е затворен поради разбојништво, по што му е одземена лиценцата, а четвртиот е човек од Озрен.
Постојат сомневања дека го користеле Горан Џониќ бидејќи бил близок со семејството Ѓокиќ, така што му се заканувале и го уценувале.
Да потсетиме, Горан Џониќ, пензиониран пожарникар, е уапсен под сомнение дека ги убил своите роднини – семејството Ѓокиќ. Тој присуствуваше на погребот на убиените по злосторството.